"HET UUNER VOLKSLIED" Index/Home

Ik weet een heel klein plaatsien heel dicht an de Veluwerand
het heet het darpien Uune, ja daor heerst een hechte band
Het eeuwenolde karkien, dat dut o zo vriendlijk an.
het darp dat eens moeras was en echt tot blujen kwam.

Refrein:
Ja dat is Uune, het mooie Uune
dat vredig plekkien, dat trekt ons zo an.
Ja dat is Uune, ons fijne Uune,
een echte Uunenaar die giet daor nooit vandan.

Het ligt bie de Iessel, omringd door vruchtbaar land
Er is gien bos of heide en het schraole witte zand.
Je ziet er hoge peppels, ja zo statig en zo groot
en dromerig staot de wilgen in een rieje an de sloot.
Refrein.

Het olde ambacht “klompenmaken” wordt daor nog edaon.
en menig Uuner klompien is ons landje in egaon.
En gaoj dan richting Iessel, kom ie langs de mulle heer
als dát gien stukkien Holland is, dan weet ik het niet meer!
Refrein

De derde wêêke in oktober is ’t een druk gedoe
dan gaot'r veule mensen allemaol naor Uune toe.
Daor is van alles wel te zien, d’r wordt een hoop edaon.
Het Koefees heurt bie Uune en dat blef altied bestaon.
Refrein
(laatste regel tweemaal)