Nieuwe buis en tass’n veur Uune Drie

Afgeloop’n zoaterdag weer een prachtige voetbal zoaterdag op ‘de Hoge Kamp’ in Uune. ‘T eerste van zowel de keerls as ok de vrouwluu speul’n thuus, wat een ambiance! ‘N bonke volk an de droad en alles tot in de punties verzörgt. Dat alles is allenig mar meuglijk deur een geweldige koppel vriewilligers die de mouw’n durft op te streup’n.
Disse clubheld’n wordt doarbie van ‘spiekers’ veurzien deur een enorme groep ondernemers uut de regio. Nooit wordt d’r tevergeefs een beroep op dizze bedriev’n ù-doan, woarbie altied ut motto is: één veur allen, allen veur één!!
Ok ons ultieme kampioenselftal van de darde helft mog zoaterdag middag net veur ut melk’n weer antreed’n. Noast kampioen van de darde helft bunt wulle sinds een paar wèèk’n ok ut best geklede elftal van Uune. Een prachtig mooie nieuwe buis die de six pekkies van onze kanjers prachtig afkleedt kreeg’n wulle en ok prachtige mooie tass’n um de root-witte klomp’n en de overal netties in op te barg’n.
Dit heb wulle allemoal te dank’n an een paar geweldige ondernemers bie ons uut de buurte die ik ff’n een beste veere doarveur in de konte wille drukk’n:Eat Tapperieje Biesterbosch uut Welsum. A’j doar bie mooi weer buut’n goat zitt’n steet de tied stille, ie kunt doar onder ut genot van een heerlijk stukkie vleis of iets anders woar ie de vörke in kunt drukk’n de zunne in de Welsumse kolk zien zakk’n.
Biesterbosch schoonmaakdiensten uut Epe. Wanneer ie d’r ech een troep van hebt u-maakt of wanneer ut oe vreselijk mis is ù-goan komt disse toppers oe de boel weer super mooi terechte maak’n.
Mediterraan uut Epe. Wanneer ie gin zin hebt um de eerpels uut de kuule te haal’n of gewoon trek hebt an een lakkere bak vleis of een Pizza dan bel ie Memmet van Mediterraan en hie brengt ut oe tot an de deure.

Nogmaals naam’ns Uune Drie allemoal olderbarstens bedankt!